Medietilsynet fordeler 4,6 millionar til forsking på medium og dataspel
Hovudtyngda av prosjekta som får støtte, handlar om kritisk medieforståing og tar utgangspunkt i utfordringar knytte til dagens mediebruk. – Vi støttar blant anna prosjekt om personvern og bildedeling av barn, og korleis innhald laga med kunstig intelligens påverkar samfunnet og enkeltmenneske, seier Hanne Sekkelsten, direktør for juridisk og regulatorisk avdeling i Medietilsynet.
Medietilsynet har prioritert forskingsprosjekt innanfor tema om mediemangfald og kritisk medieforståring i tildelinga i år når 17 prosjekt no får til saman nær 4,6 millionar kroner i støtte til forsking på medium og dataspel.
Forsking på kunstig intelligens og personvern
Støtta blir fordelt på ti forskingsprosjekt og sju masteroppgåver. Eitt av prosjekta får støtte frå regjeringa sin handlingsplan mot speleproblem. Medietilsynet fekk inn totalt 39 søknader.
Blant prosjekta som får støtte, er prosjektet til forskar Petter Bae Brandtzæg ved Universitetet i Oslo om korleis den raske framveksten av AI-generert innhald og ei AI-driven offentlegheit påverkar mediemangfaldet og den kritiske medieforståinga i befolkninga.
Forskar Anna Grøndahl Larsen ved SINTEF får støtte til prosjektet Mediebruk og lokale offentligheter i et fragmentert medielandskap, der målet er å få djupkunnskap om mediebruk og den rolla lokalmedia speler i lokale offentlegheiter. Forskar Clara Julia Reich ved Oslomet ønsker å undersøke korleis personvernet og den kritiske medieforståinga blant foreldra blir teken vare på når dei deler bilde av barna sine i sosiale medium, i prosjektet «Sharenting» – til barnets beste?
Dobbelt så mykje til forsking på dataspel som det øyremerkte beløpet
Medietilsynet fordeler totalt over 780 000 kroner til prosjekt som forskar på dataspel. Det er nesten dobbelt så mykje som dei 400 000 kronene regjeringa har øyremerkt i handlingsplanen sin mot speleproblem.
Forskar Beate Wold Hygen ved NTNU Samfunnsforskning får 396 000 kroner til prosjektet Toxic adferd i spill – et problem for alle, men verst for jenter? Målet er å få meir kunnskap om korleis giftig åtferd bli opplevd, og kva det gjer med dei som blir utsette for slik åtferd. Ønsket til Hygen er at kunnskap om giftig åtferd kan brukast i opplæring for å synleggjere problemet.
Forskar Anita Borch ved Oslomet får 360 000 kroner for å forske på forholdet unge dataspelarar har til såkalla «lootboksar», mens Ida Martine Skjerlie Gard får 27 000 kroner til masteroppgåva si «Kjønnsstereotypier og transgressive spillkarakterer».
Les meir om støtte til medieforsking her
Desse får støtte til medieforsking i 2023
| Søkar | Tittel på prosjektet | Innvilga beløp (kr) |
| Universitetet i Oslo – Petter Bae Brandtzæg | En AI-drevet offentlighet | 850 000 |
| SINTEF | Mediebruk og lokale offentligheter i et fragmentert medielandskap | 692 000 |
| Oslomet – Clara Julia Reich | «Sharenting» – til barnets beste? Personvern og kritisk medieforståelse knyttet til foreldres deling av egne barn i sosiale medier | 620 000 |
| Institutt for samfunnsforskning | Alarmerte borgere: Informasjonsmiljø, mediebruk og offentlig tilknytning (ALARM) | 540 000 |
| NTNU Samfunnsforskning – Beate Wold Hygen | Toxic atferd i spill – et problem for alle, men verst for jenter? | 396 000 |
| Oslomet – Anita Borch | Overraskelsesboks eller pengespill: Unge dataspilleres forhold til «lootboxes» | 360 000 |
| Nord Universitetet – Karianne Sørgård Olsen | Lokaljournalistikkens lokal-digitale forankring | 300 000 |
| Universitetet i Bergen – Leif Ove Larsen | Kulturjournalistikk 3.0. Kulturen i nyhetsmediene: Avvikling eller reorientering? | 279 000 |
| Nordiske mediedager – Silje Hammersland | Medieundersøkelsen 2023 | 250 000 |
| Håskoll-Haugen | Hvorfor alle elsker triste historier om Afrika | 100 000 |
| Masterstipend på 27 000 kroner | ||
| Ida Martine Skjerlie Gard | Kjønnsstereotyper og transgressive spillkarakterer | 27 000 |
| Hanna Kvamme | Personvernsholdninger på Instagram – en komparativ studie av to kulturelle generasjoner | 27 000 |
| Lone Einan | Nyhetsformidling på TikTok: En studie av TV 2 sine nyheter på TikTok | 27 000 |
| Eline Løndal | Studie av norske mediers dekning av klimaendringer | 27 000 |
| Anna Mork Holm | Sosiale medier som læringsverktøy på videregående | 27 000 |
| Kristine Hansen | Unge voksne sin opplevelse av nyhetspodkaster | 27 000 |
| Jenny Westrum-Rein | Profesjonelt medmenneske | 27 000 |